منتدى كليه أداب المنصوره | اداب مانس


غْـِـِـِيْـِـِـِر
مُـِـِـِسَـِـِـِجَـِـِـِل
لأنـنـآ نـعـشـقِ التـميز والـِمُـِمَـِيّـزِيْـטּ يشرفنـآ إنـظمـآمڪ معنـآ فيـﮯ مـنـتـدآنـا
أثبـت تـوآجُـِدڪ و ڪـטּ مـטּ ] الـِمُـِمَـِيّـزِيْـטּ ..!
لـِڪي تـسـتـطـيـع أن تُـِتْـِבـفَـِنَـِـِا[ بـِ موآضيعـڪ ومشارڪاتـڪ معنـِـِـِآ ]

سَـِـِـِجَـِـِـِل معنـِـِـِآ
ولأى استفسار ڪلمـِِـونَـِـِا عليـﮯ بريدنَـِـِا
| | ADABMANS@YAHOO.COM| |


    ورجعنا تانى بعد الامتحانات

    شاطر
    avatar
    KHALAFAWY

    ҳ̸Ҳ̸ҳ ............... ҳ̸Ҳ̸ҳ


    ҳ̸Ҳ̸ҳ ............... ҳ̸Ҳ̸ҳ

    الجنس : ذكر

    العمر : 28
    قسم ايه فى اداب : ..... جغرافيا .....
    العمل/ الترفيه : ..................
    عدد المساهمات : 2745
    المزاج : ربي لا اســألك رد القضـــــــاء ولكن اســــألك اللطف فيـــه
    رساله SMS : سألزم الصمت فحياتي كلها ألم ، وأكتم الآهات بين الدمع والقلم !!!
    تاريخ التسجيل : 27/12/2008

    ورجعنا تانى بعد الامتحانات

    مُساهمة من طرف KHALAFAWY في السبت 05 فبراير 2011, 3:44 am


    ازيكم يا احلى اعضاء ف الدنيا

    منورين والله بيتكم التانى

    وبجد وحشتونا جدا

    يارب تكونوا دايما بخير

    وبصحه وسلامه وسعاده

    وربنا يعدي الكرب دا وينجى مصر من كل ظالم ومن كل سوء

    ويارب تكون الامتحانات عدت عليكم بخييييييير

    ياريت كل واحد يشارك بأيجاب

    احنا على عتبه التاريخ يا جماعه

    ياريت تشاركو ويسجلنا التاريخ بأحرف من نور على صفحاته

    وكل واحد يدلى بحريه رأيه ف اللى بيحصل ف مصر

    بس ياريت يا جماعه بدون اى تجاوزات

    وربنا يعمل ما فيه الخير لصالحنا ولصالح مصر والوطن

    ودمتم ف رعايه الله وامنه







    اذا الشعب يومــــا اراد الحيـــــاه .... فـلابـد ان يستجيب القــدر


    ********************************
    **

    avatar
    ورد المنى
    عضو ناويها
    عضو ناويها

    الجنس : انثى

    العمر : 26
    قسم ايه فى اداب : تاريخ
    العمل/ الترفيه : الكتابة ومتابعة اجمل منتدى
    عدد المساهمات : 280
    المزاج : الحمد لله تمام
    تاريخ التسجيل : 06/12/2010

    رد: ورجعنا تانى بعد الامتحانات

    مُساهمة من طرف ورد المنى في السبت 05 فبراير 2011, 9:42 am

    على اد ماانا زعلنا على اد ما انا فرحانة
    زعلنانة: من الى انا شفتة والمذبحة الى حصلت كاننا فى غزة ونحارب اسرائيل داحنا يا اخوات بنعمل كدة يبقى اسرائيل لها حق فى الى بتعملوا فى فلسطين اية الى بيحصل دة وصمة عار للعربيين
    وفرحانة:بالشباب الى مايهاب الموت فتح صدرة وقال للعالم انا هو ظلمناهم وقلنا عليهم شباب النت والبانجو وانا اعلن اسفى لهم على هذا الفهم الخاطئ شفناهم ساهرين ليل نهار ليل فى حراستنا والنهار بينقلوا صوتنا وبقلوبنا بندعلهم فى كل صلاة انا انفعلت وانفعلت اكتر لما اخى اصيب برصاص مطاطى ورغم المة نزل وشارك فى الثورة وقال صوتى هيكتبة التاريخ وهو اتشرف به واكن له كل احترامى والتقدير وبقية ردى سوف يكون ما كتبتة فى المواهب
    avatar
    who am i
    عضو بدأ يعمل قلق
    عضو بدأ يعمل قلق

    الجنس : انثى

    العمر : 26
    قسم ايه فى اداب : انجليزى ع ما اظن
    العمل/ الترفيه : قاعده فاضيه
    عدد المساهمات : 388
    المزاج : قشطه
    رساله SMS : THERE IS NO REAL LOVE WITHOUT REAL LOVERS
    تاريخ التسجيل : 23/05/2010

    رد: ورجعنا تانى بعد الامتحانات

    مُساهمة من طرف who am i في السبت 05 فبراير 2011, 2:29 pm

    اندلعت ثورة المصريين فى الخامس والعشرين من يناير والتى كان لابد ان تندلع من ثلاثين عاما لكى ينعم كل ابناء مصر بالعدالة والتكافؤ الاجتماعى
    avatar
    KHALAFAWY

    ҳ̸Ҳ̸ҳ ............... ҳ̸Ҳ̸ҳ


    ҳ̸Ҳ̸ҳ ............... ҳ̸Ҳ̸ҳ

    الجنس : ذكر

    العمر : 28
    قسم ايه فى اداب : ..... جغرافيا .....
    العمل/ الترفيه : ..................
    عدد المساهمات : 2745
    المزاج : ربي لا اســألك رد القضـــــــاء ولكن اســــألك اللطف فيـــه
    رساله SMS : سألزم الصمت فحياتي كلها ألم ، وأكتم الآهات بين الدمع والقلم !!!
    تاريخ التسجيل : 27/12/2008

    رد: ورجعنا تانى بعد الامتحانات

    مُساهمة من طرف KHALAFAWY في السبت 05 فبراير 2011, 2:54 pm

    الله ينور بجد يا ابناء مصر وابناء الامه
    بجد انا فرحان انى من الجيل دا
    الجيل اللى اتحرك ودافع عن حقه

    ياريت يا جماعه كلكم تدعو ربنا ينصر الناس اللى ف التحرير دلوقتى
    ربنا معااااااااااهم






    اذا الشعب يومــــا اراد الحيـــــاه .... فـلابـد ان يستجيب القــدر


    ********************************
    **

    avatar
    maro
    عضو جديد لانج
    عضو جديد لانج

    الجنس : انثى

    العمر : 26
    قسم ايه فى اداب : تاريخ
    العمل/ الترفيه : بتفرج عtv
    عدد المساهمات : 11
    المزاج : تماااااااااااااااااااااااااااااااااااااااااااااااااااام
    رساله SMS : ادعولي انجح عشان اتجوز هههههههههههههههههههههههههههههههه
    تاريخ التسجيل : 15/11/2010

    رد: ورجعنا تانى بعد الامتحانات

    مُساهمة من طرف maro في السبت 05 فبراير 2011, 3:19 pm

    علي قد منا فرحانه باللي حصل من شباب جلنا علي قد منا حزينه عالتوابع السلبيه اللي حصلت بعده من ناس استغلت الموقف لصلحها الشخصي بجد من قلبي منها لله.......................................بصراحه ان لحد الان مش مصدقه اللي بيحصل سواء سلبي او اجابي
    avatar
    نملة
    عضو بدأ يعمل قلق
    عضو بدأ يعمل قلق

    الجنس : انثى

    العمر : 27
    قسم ايه فى اداب : لغة عربية
    العمل/ الترفيه : أي حاجة
    عدد المساهمات : 380
    المزاج : مش عارف
    رساله SMS : إذا أردت شيئا بشدة فأطلق سراحه، فإن عاد اليك فهو ملك لك
    وإن لم يعد فهو لم يكن لك من البداية
    تاريخ التسجيل : 10/08/2010

    رد: ورجعنا تانى بعد الامتحانات

    مُساهمة من طرف نملة في السبت 05 فبراير 2011, 4:33 pm

    أهلا يا جماعة
    ازيكم وحشتوني جدااا والله
    وأخيرا النت رجع ليكم
    مكنتش عارفة أعمل ايه والله
    المهم
    بالنسبة للي بيحصل في مصر دلوقتي
    هم زودوها
    ولازم بقى يوقفوا المظاهرات لأن هم كده بيعرضوا نفسهم للخطر اكتر
    وعلى فكرة دول شكلهم أصلا قابضين
    عشان يعملوا كده ويفضلوا هناك
    بس هم يشكروا جدااا عاللي عملوه وكفاية قوي لحد عشان نمنع من ان حد تاني ينصاب أو يتعرض لأي أذى
    وحكاية ظهور المؤيدين واختفائهم مرة واحدة وامداد الناس اللي هناك بالأكل والمية وكل حاجة هم عايزينها
    ده كله في وراه إن
    بيتعملش كده لله في لله
    كل اللي بيحصل ده في حاجة وراه
    تفسروا بايه لما كان الرؤساء واقفين جنب مبارك ودلوقتي ضده
    فجأة مرة واحدة من غير أي حاجة
    ربنا يستر

    بهاء زين

    ►☆ حنفـي الأبهه ☆ ◄


    ►☆ حنفـي الأبهه ☆ ◄

    الجنس : ذكر

    العمر : 27
    العمل/ الترفيه : عازف على قيثارة الحزن
    عدد المساهمات : 8369
    المزاج : سأستمر فى البكاء ولكن بلا دموع
    رساله SMS : مت أيها الليل السقيم وأبكنى
    وجع الفؤاد فما نامت جفونى
    وما انتهى الليل الطويل بوصلها
    حلما ولا اكتحلت برؤيتها عيونى
    تاريخ التسجيل : 28/10/2009

    رد: ورجعنا تانى بعد الامتحانات

    مُساهمة من طرف بهاء زين في السبت 05 فبراير 2011, 10:01 pm

    كنت دوما عندما أتذكر المستقبل يزداد همى ويأسى
    ماذا اصنع؟؟
    ماذا سأعمل؟؟
    وكم سيكون راتبى؟؟
    وهل سيكت عليا السفر والعذاب فى مرارت الغربه والوحده من اجل جمع الأموال
    وهل سيسعفنى الوقت للحصول على ما أريد؟؟
    كان دوما يطاردنى شبح هذه الأسئله
    أما الان وبعد ان قام شبابنا الرائع بهذا العمل الذى سيتذكره التاريخ دائما
    فالحياه أمامى اصبحت مشرقه وانتظر المستقبل وما سيحققه لى الزمان
    وأخيرا فأنا لى الشرف أنى كنت واحدا من هؤلاء الذين شاركوا فى المظاهرات
    مظاهرات التحرير والقضاء على الفساد
    والحمد لله أنى نلت هذا الشرف وسوف افخر به دائما وسوف احكى لاحفادى عندما نجلس امام التلفاز
    ويقولون حدث فى مثل هذا اليوم ثورة الغضب للشباب المصريين
    سوف افخر واحكى لأحفادى انى كنت واحدا من هؤلاء

    دمتم بخير وطاب مساؤكم



    avatar
    نملة
    عضو بدأ يعمل قلق
    عضو بدأ يعمل قلق

    الجنس : انثى

    العمر : 27
    قسم ايه فى اداب : لغة عربية
    العمل/ الترفيه : أي حاجة
    عدد المساهمات : 380
    المزاج : مش عارف
    رساله SMS : إذا أردت شيئا بشدة فأطلق سراحه، فإن عاد اليك فهو ملك لك
    وإن لم يعد فهو لم يكن لك من البداية
    تاريخ التسجيل : 10/08/2010

    رد: ورجعنا تانى بعد الامتحانات

    مُساهمة من طرف نملة في السبت 05 فبراير 2011, 10:04 pm

    علي غريب بيتكلم
    avatar
    life with out love
    عضو يجى منه
    عضو يجى منه

    الجنس : ذكر

    العمر : 27
    قسم ايه فى اداب : اللغة العربية
    العمل/ الترفيه : طالب
    عدد المساهمات : 222
    المزاج : تمام والحمد لله
    رساله SMS : رفقا بعاشق لا يعرف الحب وعذابه الانتظار الطويل
    تاريخ التسجيل : 15/10/2009

    رد: ورجعنا تانى بعد الامتحانات

    مُساهمة من طرف life with out love في السبت 05 فبراير 2011, 10:40 pm

    اللى بيقول رحيل هل يعجبوا ان فتحى سرور يحكم مصر لمدة شهرين بسبب تنحى مبارك عن الرئاسة هو اى كلام وخلاص انا من الناس اللى مع ثورة الشباب مش عايزمبارك مش عايز نظام فاسد لكن العقل بيقول ان لازم نستنى 6 شهور علشان استقرار مصر لا ينهار
    هل من العقل ان نغرق السفينة علشان نقتل القبطان
    ياناس اطلبوا شى بالعقل
    ياشباب انا فى سنكم بطلب الامن والاستقرار اللى بتعملوا دا لا يمثل اى شى من العقل
    كل واحد هياخد ذنب قطع العيش وعدم الاستقرار وتتدخل الاعداء
    ارحموا مصر

    والله انا مش مصدق اللى بيحصل
    وفى نفس الوقت مش شايف حد على الساحه يقدر يسيطر على الامور والسلطه

    دا رايى وانا بجد بحترم الراى والراى الاخر
    avatar
    عين الحياة
    عضو سوبر
    عضو سوبر

    الجنس : انثى

    العمر : 26
    قسم ايه فى اداب : علم نفس
    العمل/ الترفيه : بشارك فى احلى منتدى
    عدد المساهمات : 1385
    المزاج : يعنى..
    رساله SMS : لـــو تحطـــم لـــك أمـــل ، اعـــرف ان " الله " يحبـــك و أبتـــسم ،
    لا تقـــل الحـــظ عمره مـــا كمــل ، قل انـــا حـــاولت و " الله " ما قســم
    تاريخ التسجيل : 22/09/2010

    رد: ورجعنا تانى بعد الامتحانات

    مُساهمة من طرف عين الحياة في السبت 05 فبراير 2011, 11:45 pm


    بداية مبسوطين بالعودة دى اينعم الظروف فى مصر مش اوى بس ان شاء الله اللى جى احسن

    و الله انا شايفة ان اللى اتحقق من المظاهرات دى "يعنى على اعتبار انىمش بحب لفظ ثورة "كويس جدا يعنى فى حاجات اتحققت الناس كلها كانت بتحلم بيها زى نائب الرئيس و تعديل مواد من الدستور و ان شاء الله ناويين على اصلاحات اجتماعية و ابعاد الحرامية و الفاسدين اللى كانوا ناهبين البلد ان احنا شفنا الانتماء و الوطنية تانى .. بس كفاية لحد كدة الناس اللى فى الميدان دى عايزين ايه اللوقتى يعنى هما مش فاهمين هما عايزين ايه سقف الطلبات بيعلى يوم عن يوم و الله اعلم مين المسيطر جوه اللوقتى فى الميدان على حد القول ان الاخوان هما اللى مسيطرين و الله اعلم بأن فى عناصر اجنبية فى الموضوع يعنى اللى عايز الرئيس يرحل اللوقتى مايفكر فى الفراغ السياسى اللى هيحصل فى مصر و ان محدش من حقه انه يعدل مواد الدستور غير الرئيس بموجب حقه الشرعى و لا يجوز حتى لنائبه انه يطلب التعديل ده من نفسه يعنى اللى صبرهم 30 سنة يخليهم يستنوا كام شهر و الرئيس يطلع بأسلوب كويس و البلد ماتقعش زى ما الدول اللى بره عايزة وبعدين ماننساش اى حاجة عملها برده و كدة كدة حتى لو ساب الحكم مينفعش يتحاكم و لا ينفع و لا يحق لحد يطرده من وطنه.. يعنى الناس اللى فى التحرير دى المفروض تروح بقى عشان الحياة ترجع تانى و الامور تهدى و يدوا ثقة شوية و يستنوا ويشوفوا اللى هيحصل و اهو الميدان موجود مكانه لو حصل حاجة تانية مش هيسرق يعنى ..
    avatar
    mmm
    عضو سوبر
    عضو سوبر

    الجنس : انثى

    العمر : 27
    قسم ايه فى اداب : فلسفة
    العمل/ الترفيه : الحمد لله
    عدد المساهمات : 2259
    المزاج : الحمد لله حلو
    رساله SMS : معدش حاجة تستاهل
    تاريخ التسجيل : 19/02/2010

    رد: ورجعنا تانى بعد الامتحانات

    مُساهمة من طرف mmm في الأحد 06 فبراير 2011, 1:04 am

    اللى حصل دا بصراحة انا مكنتش عمرى اتوقعه مكنتش اتوقع ان الشباب فيهم الطاقة دى والحماسة دى بجد هما اثبتو للعالم كله انهم رجالة بجد
    انا حزينة جدا على القتل وسفك الدماء دا غير المناظر اللى شوفتها بتاعت العربية اللى داست فى المتظاهرين وموتت شوية منهم وغيرها وغيرها بس ان شاء الله ليهم الجنة
    لكن انا معجبنيش حاجة \\ معجبنيش اهانة الرئيس مهما حصل ياجماعة مينفعش اننا نهينه احنا ممكن نطلب حقنا اه بس مش بالأهانة ولا بالشتايم ياجماعة احنا كدا خلينا اللى يسوى واللى ميسواش يتدخل فى شئونا زى امريكا اللى جاية تؤل ارحل الأن وهى مالها هى ؟؟ احب ااولكو انها اكيد ليها مصلحة فى ان مبارك يمشى هى مش بتعمل كدا علشان خاطر عيونا
    لو احنا مكناش اتجرانا وشتمنا الريس بتاعنا مكنتش امريكاوغيرها من البلاد اتجرات وقالت ان مبارك لازم يمشى الأن
    بس اللى حصل بوجه عام اكيد كان لازم يحصل فى يوم من الأيام لأن الشعب المصرى مستحملش انه يتظلم وانا بصراحة فخورة جدا انى مصرية ولو لم اكن مصرية لوددت ان اكون مصرية
    وشكرا خلف على الموضوع
    avatar
    KHALAFAWY

    ҳ̸Ҳ̸ҳ ............... ҳ̸Ҳ̸ҳ


    ҳ̸Ҳ̸ҳ ............... ҳ̸Ҳ̸ҳ

    الجنس : ذكر

    العمر : 28
    قسم ايه فى اداب : ..... جغرافيا .....
    العمل/ الترفيه : ..................
    عدد المساهمات : 2745
    المزاج : ربي لا اســألك رد القضـــــــاء ولكن اســــألك اللطف فيـــه
    رساله SMS : سألزم الصمت فحياتي كلها ألم ، وأكتم الآهات بين الدمع والقلم !!!
    تاريخ التسجيل : 27/12/2008

    رد: ورجعنا تانى بعد الامتحانات

    مُساهمة من طرف KHALAFAWY في الأحد 06 فبراير 2011, 4:25 am

    هههههههههههههههههههههههههههههههه
    الكلام دا لو طلع يا نونا
    وبعدين 500 مليون دولار ايه ياله ياهبل انت
    مصر حققت ارباح من سنه 2010 ل 2011 حسب ما قناه العربيه حصرت
    كانت الارباح دى حوالى 153 مليار دولار
    حد فيكم شاف دولاؤ منهم ؟؟؟
    عارفه مصر ممكن تبقي اغنى دوله ف العالم وف يوم واحد
    عارفه امتى ؟؟؟
    لما التعامل ف قناه السويس يبقي بالجنيه المصري
    ساعتها يبقي الجنيه المصري اعلى عمله من حيث القيمه ف العالم
    موش بعيد يبقي الجنيه ب 20 دولار
    وف الحاله دى
    هيبقي اللى بيقبض مرتب 300 جنيه هيبقي احسن من اللى بياخد 30 الف دلوقتى

    وبعدين الناس اللى موش عاجبها وجود الشباب ف ميدان التحرير دلوقتى
    الناس دى وجودها ليكم يا جماعه والله
    وبكرا هتقدرو دا ... فى مقوله بتقول
    قمه الهزيمه ... ان تنسحب بعد ان حققت النصر
    ياريت تفكرو كويس وبعدين تصدرو احكام ضد الشباب اللى بيجيبولكم حقوقكم وانتو قاعدين زى البهوات كدا ف ميدان التحرير
    لانتفاضه عمرها ما كانت هتحصل ولا حصلت من 50 سنه
    الناس دى هيكتبها التاريخ بجد بحروف من نور على صفحاته
    لانهم غيرو مجرى التارخ وان شاء الله هيطردو الظالم المستبد من على ارضنا الطاهره
    ظالم .. عنده ثروات بالمليارات وسايب على مصر ديون ب 24 مليار دولار
    علشان كلاب الصهاينه يضغطو بيها علينا

    الناس اللى بتقول الدمار والخراب
    كل الدمار والخراب اللى حصل دا
    ميجيش اد 1% من اللى اتنهب ولا اللى بيظل يتنهب
    للاسف احنا تفكيرنا بقي ضئيل اوى لحد ما بقي اد فتحه ابره الخياطه
    عاوزين كل حاجه كدا تجيلنا بالساهل من غير اى تضحيات

    للاسف زى ما بيقولو اتعدنا ع المهانه والخضوع وبقينا شعب عاطفى
    كلمه تجيبه وكلمه توديه
    طيب لما هو عاوز يصلح البلد ف 6 شهور مصلحهاش ليه قبل كدا ف 30 سنه
    والناس اللى بتقول سيبوه يخرج بكرامته لانه تاريخ مصر
    طيب ليه هو محافظش على كرامتنا كبنى ادمين موش كمصريين
    لما تشوفو على قنوات الاخبار العالميه ازاى العربيات المصفحه كانت بتدوس ع المصريين
    لما واحد كلب يتهاون ف حقوق بلده وحقوق شعبه ويبقي 300 شهيد و اكتر من 5000 شهيد
    الراجل دا ميستحقش يمثل مصر بجد ولو لثانيه كمان
    بجد لانه الحاكم اللى ميعملش لشعبه كرامه يبقي هو عند العالم كله بلا كرامه
    بطلو عواطف شويه
    وبصو حواليكم بجد
    هتعرفو انكم للاسف مخدوعين

    وياريت كلنا نقرأ المقاله دى لصحفى بجد محترم
    تستاهل مقالته انها تتقرأ وتتحفظ كمان
    http://dostor.org/crime/11/february/3/35867

    اسف لو كنت طولت ... او حد افتكر انى متعصب
    بس هى كدا الحقيقه اللى الناس موش عارفاها
    واللى بتشوفها ع القنوات المصريه اللى للاسف شفافيتها معدومه
    بل ومجنده لصالح الاستبداد
    تحيا مصر حره عزيزه قويه ثائره على الظلم والاستبداد
    تحيا بلادى فوق كل ظالم

    دمتم بكل الخير يارب







    اذا الشعب يومــــا اراد الحيـــــاه .... فـلابـد ان يستجيب القــدر


    ********************************
    **

    avatar
    mask1000
    مشرف شغال
    مشرف شغال

    الجنس : ذكر

    العمر : 27
    قسم ايه فى اداب : الآثار المصرية القديمة
    عدد المساهمات : 1503
    المزاج : الحمد لله
    رساله SMS : إذا جعلت شخصيتك دودة تزحف على الأرض ..
    فلا تلم من يدوسك بقدمه
    تاريخ التسجيل : 21/07/2009

    رد: ورجعنا تانى بعد الامتحانات

    مُساهمة من طرف mask1000 في الأحد 06 فبراير 2011, 12:06 pm



    اولا وحشتونى جدا جدا
    ثانيا :معاك فى كل حرف يا احمد الناس دى بتموت عشان احنا نعيش يعنى هما مبسوطين بنومهم فى الشارع فى البرد ده وبهدلتهم كل يوم من البلطجية
    انا فخور بهم جدا والتاريخ عمروا ما هينساهم
    avatar
    KHALAFAWY

    ҳ̸Ҳ̸ҳ ............... ҳ̸Ҳ̸ҳ


    ҳ̸Ҳ̸ҳ ............... ҳ̸Ҳ̸ҳ

    الجنس : ذكر

    العمر : 28
    قسم ايه فى اداب : ..... جغرافيا .....
    العمل/ الترفيه : ..................
    عدد المساهمات : 2745
    المزاج : ربي لا اســألك رد القضـــــــاء ولكن اســــألك اللطف فيـــه
    رساله SMS : سألزم الصمت فحياتي كلها ألم ، وأكتم الآهات بين الدمع والقلم !!!
    تاريخ التسجيل : 27/12/2008

    رد: ورجعنا تانى بعد الامتحانات

    مُساهمة من طرف KHALAFAWY في الأحد 06 فبراير 2011, 2:27 pm

    قشطه عليك يا ماسوكه يا حبيب هارتى

    عوده حميده يا معلم

    ومنور كل الدنياااااااااااااا






    اذا الشعب يومــــا اراد الحيـــــاه .... فـلابـد ان يستجيب القــدر


    ********************************
    **

    avatar
    ورد المنى
    عضو ناويها
    عضو ناويها

    الجنس : انثى

    العمر : 26
    قسم ايه فى اداب : تاريخ
    العمل/ الترفيه : الكتابة ومتابعة اجمل منتدى
    عدد المساهمات : 280
    المزاج : الحمد لله تمام
    تاريخ التسجيل : 06/12/2010

    رد: ورجعنا تانى بعد الامتحانات

    مُساهمة من طرف ورد المنى في الأحد 06 فبراير 2011, 4:36 pm

    انا بحترم الراى الاخر بس عايزة اسئل اسئلة هيرد على كل الى بيقولوا كفاية مظاهرات:
    1-لو حسنى مات اية الى هيحصل مهو نفس الموقف ولا هيقول لعزرئيل استنة 6شهور عما انقل السلطة لحد واغير البلد؟
    2- حركة 6 ابريل قال اعاهدكم انى هصلح البلد ياترى صلحها ولا خربها اكتر؟
    3-قال هزود المرتبات للعمال وزودها بس شهر وغلى السلع الاضعاف طبعاكلنا شوفنا دة كيلو الطماطم ب10 جنية وغيرها دا الناس من جنونهم غنولها؟
    لوكل واحد رد على الاسئلة دى هيعرف انهم عاوزين تعطيل وخلاص
    وهذا هو راى الخاص واحترم كل اراء المعارضة لى

    بهاء زين

    ►☆ حنفـي الأبهه ☆ ◄


    ►☆ حنفـي الأبهه ☆ ◄

    الجنس : ذكر

    العمر : 27
    العمل/ الترفيه : عازف على قيثارة الحزن
    عدد المساهمات : 8369
    المزاج : سأستمر فى البكاء ولكن بلا دموع
    رساله SMS : مت أيها الليل السقيم وأبكنى
    وجع الفؤاد فما نامت جفونى
    وما انتهى الليل الطويل بوصلها
    حلما ولا اكتحلت برؤيتها عيونى
    تاريخ التسجيل : 28/10/2009

    رد: ورجعنا تانى بعد الامتحانات

    مُساهمة من طرف بهاء زين في الأحد 06 فبراير 2011, 5:02 pm

    والله يامنى نفس الكلام اللى قولته قبل كده
    يعنى لو مبارك الوحيد هو اللى يقدر يقود مصر الست شهور دول يبقى استغفر الله العظيم يعنى حرام انه يموت
    لا طبعا مصر مش هتخرب
    كانت خربت فى 23 يوليو بالعكس دا هتستقر عالاقل مش هيبقى فى حد موجود فى التحرير




    avatar
    KHALAFAWY

    ҳ̸Ҳ̸ҳ ............... ҳ̸Ҳ̸ҳ


    ҳ̸Ҳ̸ҳ ............... ҳ̸Ҳ̸ҳ

    الجنس : ذكر

    العمر : 28
    قسم ايه فى اداب : ..... جغرافيا .....
    العمل/ الترفيه : ..................
    عدد المساهمات : 2745
    المزاج : ربي لا اســألك رد القضـــــــاء ولكن اســــألك اللطف فيـــه
    رساله SMS : سألزم الصمت فحياتي كلها ألم ، وأكتم الآهات بين الدمع والقلم !!!
    تاريخ التسجيل : 27/12/2008

    رد: ورجعنا تانى بعد الامتحانات

    مُساهمة من طرف KHALAFAWY في الأحد 06 فبراير 2011, 7:23 pm

    وهو دا اللى بقوله بردو يا جماعه
    وبعدين هو الراجل دا مشبعش
    دا ثروته 70 مليار دولار ؟؟
    دول لو اتوزع ربعهم ع الشعب هيغرقوووووووووووووه







    اذا الشعب يومــــا اراد الحيـــــاه .... فـلابـد ان يستجيب القــدر


    ********************************
    **

    avatar
    RIBERY
    عضو سوبر
    عضو سوبر

    الجنس : ذكر

    العمر : 27
    قسم ايه فى اداب : اللغة الفرنسية
    العمل/ الترفيه : كرة القدم و البليستيشن
    عدد المساهمات : 1824
    المزاج : حار جاف صيفا معتدل ممطر شتاءا
    رساله SMS : دع الايام تفعل ما تشاء وطب نفسا اذا حكم القضاء

    تاريخ التسجيل : 18/09/2010

    رد: ورجعنا تانى بعد الامتحانات

    مُساهمة من طرف RIBERY في الأحد 06 فبراير 2011, 9:16 pm

    اولا الف مبروك للعودة الحميدة بس انا اعلق على حاجة بس وهى كلمة السيد احمد شفيق
    ان احنا بنحتاج السيد حسنى مبارك لاسباب تشريعية يعنى لو رحل دلوقتى الرئيس الرئيس الجديد هننتخبه على مواد الدستور القديم اللى فى ناس ماتت علشانه اعتقد ده هو صلب الموضوع

    بهاء زين

    ►☆ حنفـي الأبهه ☆ ◄


    ►☆ حنفـي الأبهه ☆ ◄

    الجنس : ذكر

    العمر : 27
    العمل/ الترفيه : عازف على قيثارة الحزن
    عدد المساهمات : 8369
    المزاج : سأستمر فى البكاء ولكن بلا دموع
    رساله SMS : مت أيها الليل السقيم وأبكنى
    وجع الفؤاد فما نامت جفونى
    وما انتهى الليل الطويل بوصلها
    حلما ولا اكتحلت برؤيتها عيونى
    تاريخ التسجيل : 28/10/2009

    رد: ورجعنا تانى بعد الامتحانات

    مُساهمة من طرف بهاء زين في الأحد 06 فبراير 2011, 9:24 pm

    لا يا احمد
    لو تنحى دلوقتى هيتم تبعا للدستور تعيين نائب الرئيس أو رئيس مجلس الشعب
    الى أن يتم تعديل مواد الدستور المطروحه واختيار رئيس الجمهوريه الذى نريده



    avatar
    KHALAFAWY

    ҳ̸Ҳ̸ҳ ............... ҳ̸Ҳ̸ҳ


    ҳ̸Ҳ̸ҳ ............... ҳ̸Ҳ̸ҳ

    الجنس : ذكر

    العمر : 28
    قسم ايه فى اداب : ..... جغرافيا .....
    العمل/ الترفيه : ..................
    عدد المساهمات : 2745
    المزاج : ربي لا اســألك رد القضـــــــاء ولكن اســــألك اللطف فيـــه
    رساله SMS : سألزم الصمت فحياتي كلها ألم ، وأكتم الآهات بين الدمع والقلم !!!
    تاريخ التسجيل : 27/12/2008

    رد: ورجعنا تانى بعد الامتحانات

    مُساهمة من طرف KHALAFAWY في الأحد 06 فبراير 2011, 9:54 pm

    يا جدعان الرئيس فاقد للشرعيه
    ازاى هو اللى هيشرعلنا الدستور ؟؟
    ما بنى على باطل فهو باطل
    ودا بكلام موش فاكر مين اللى كان ع دريم من 4 ساعات تقريبا






    اذا الشعب يومــــا اراد الحيـــــاه .... فـلابـد ان يستجيب القــدر


    ********************************
    **


    بهاء زين

    ►☆ حنفـي الأبهه ☆ ◄


    ►☆ حنفـي الأبهه ☆ ◄

    الجنس : ذكر

    العمر : 27
    العمل/ الترفيه : عازف على قيثارة الحزن
    عدد المساهمات : 8369
    المزاج : سأستمر فى البكاء ولكن بلا دموع
    رساله SMS : مت أيها الليل السقيم وأبكنى
    وجع الفؤاد فما نامت جفونى
    وما انتهى الليل الطويل بوصلها
    حلما ولا اكتحلت برؤيتها عيونى
    تاريخ التسجيل : 28/10/2009

    رد: ورجعنا تانى بعد الامتحانات

    مُساهمة من طرف بهاء زين في الأحد 06 فبراير 2011, 10:17 pm

    لا ياخلف مبارك مش فاقد الشرعيه
    لأن مبارك رئيس منتخب من مجلس الشعب
    مينفعش يبقى فاقد الشرعيه غير لما مجلس الشعب يحكم بكده او ان مجلس الشعب يتحل
    اللى بيقول انه فاقد الشرعيه بيتكلم على اساس الطعون المتقدمه فى اعضاء المجلس بس مادام لسه متحكمش فى الطعون فهو لسه مش فاقد الشرعيه
    الحل الوحيد حاليا انه يعتبر نفسه تعب او مات وينوب عنه عمر سليمان لان تبع الماده 139 فى الدستور انه لا يحق لنائب الرئيس او لرئيس مجلس الشعب ااذا تولى الحكم بشكل مؤقت أن يعدل فى مواد الدستور
    الا اذا حسنى مبارك نوب عنه عمر سليمان يقوم بالمهمه دى زى ماعمل قبل كده مع نظيف لما حسنى تعب وكان بيعمل عمليه
    لأن لا يستطيع احد أن يعدل فى الدستور او يحل مجلس الشعب أو يقيل الوزاره الا رئيس الجمهوريه المنتخب فقط وليس شخص تانى
    يعنى بالبلدى كده مينفعش حد دلوقتى الا مبارك يبقى الحل ايه دلوقتى عشان المشكله دى تخلص
    مبارك يفوض عمر سليمان بأنه يكون هو المسئول عن التعديلات دى لأن مجلس الشعب متقدم في حوالى 450 دائره طعون يعنى لسه فى انتخابات تانيه لمجلس الشعب فالعليه هتطول جدا
    فمفيش الا الحل ده عشان الأزمه دى تنتهى



    avatar
    KHALAFAWY

    ҳ̸Ҳ̸ҳ ............... ҳ̸Ҳ̸ҳ


    ҳ̸Ҳ̸ҳ ............... ҳ̸Ҳ̸ҳ

    الجنس : ذكر

    العمر : 28
    قسم ايه فى اداب : ..... جغرافيا .....
    العمل/ الترفيه : ..................
    عدد المساهمات : 2745
    المزاج : ربي لا اســألك رد القضـــــــاء ولكن اســــألك اللطف فيـــه
    رساله SMS : سألزم الصمت فحياتي كلها ألم ، وأكتم الآهات بين الدمع والقلم !!!
    تاريخ التسجيل : 27/12/2008

    رد: ورجعنا تانى بعد الامتحانات

    مُساهمة من طرف KHALAFAWY في الإثنين 07 فبراير 2011, 6:16 am

    للاسف يا بهاء قضاه مصر اجمعو ان مبارك فاقد للشرعيه
    لان الشرعيه اللى بيفرضها الشعب على الدوله
    ولكن المشروعيه هو الدستور ومجلس الشعب المزور
    دا النص اللى اتقال ف الحلقه على دريم
    وانا بقل بالصدفه كدا سمعت الكلمتين دول






    اذا الشعب يومــــا اراد الحيـــــاه .... فـلابـد ان يستجيب القــدر


    ********************************
    **


    بهاء زين

    ►☆ حنفـي الأبهه ☆ ◄


    ►☆ حنفـي الأبهه ☆ ◄

    الجنس : ذكر

    العمر : 27
    العمل/ الترفيه : عازف على قيثارة الحزن
    عدد المساهمات : 8369
    المزاج : سأستمر فى البكاء ولكن بلا دموع
    رساله SMS : مت أيها الليل السقيم وأبكنى
    وجع الفؤاد فما نامت جفونى
    وما انتهى الليل الطويل بوصلها
    حلما ولا اكتحلت برؤيتها عيونى
    تاريخ التسجيل : 28/10/2009

    رد: ورجعنا تانى بعد الامتحانات

    مُساهمة من طرف بهاء زين في الإثنين 07 فبراير 2011, 10:26 am

    اه هما بيتكلموا عن المفروض
    انما لا الشرعيه دى بيقرها مجلس الشعب لأن الرئيس منتخب من مجلس الشعب ومينفعش يفقدها الا لما يقر بكده مجلس الشعب برده



    avatar
    RIBERY
    عضو سوبر
    عضو سوبر

    الجنس : ذكر

    العمر : 27
    قسم ايه فى اداب : اللغة الفرنسية
    العمل/ الترفيه : كرة القدم و البليستيشن
    عدد المساهمات : 1824
    المزاج : حار جاف صيفا معتدل ممطر شتاءا
    رساله SMS : دع الايام تفعل ما تشاء وطب نفسا اذا حكم القضاء

    تاريخ التسجيل : 18/09/2010

    رد: ورجعنا تانى بعد الامتحانات

    مُساهمة من طرف RIBERY في الإثنين 07 فبراير 2011, 9:52 pm

    لا يا بهاء انا متاكد من الكلام
    avatar
    juSt.DReaM.No.MoRe
    عضو سوبر
    عضو سوبر

    الجنس : ذكر

    العمر : 26
    قسم ايه فى اداب : اجتماع وبئس المصير
    العمل/ الترفيه : عبادة ربى الواحد الاحد
    عدد المساهمات : 1783
    المزاج : زهقت وارفت من كل حاجة ومعنتش بثق فى حد
    رساله SMS : اذكروني عندما يكون القبرُ داري♥️
    والحجر الأسود وسادتي♥️
    والكفن الأبيض ثوبي♥️
    ...
    وغدا تمرون على القبور ♥️
    باحثين عن قبري♥️
    فلن تجدو سوى حبي..♥️..♥️
    تاريخ التسجيل : 25/10/2009

    رد: ورجعنا تانى بعد الامتحانات

    مُساهمة من طرف juSt.DReaM.No.MoRe في الثلاثاء 08 فبراير 2011, 11:59 pm

    اولا السلام عليكم كلكم ويارب تكونو كلكم بخير وقبل اى حاجة ياريت تدعو بلرحمة لكل شهدءا الثورة ومنهم محمد امين الباز صديقى الى استشهد بدون زنب وهوة على فكرة فى تالتة تجارة
    وبلنسبة للامتحانات هى كانت تتصف بلغموض بعض الشئ بس قشطة يعنى احنا عملنا الى علينا والباقى على ربنا.
    وبلنسبة لموضوع الثورة انا اصلا كنت مسافر ورجعت علشان محمد اتوفى وبعدها فضلت فى المنصورة علشان كنا بنحمى الحى بتاعنا انا واصحابى تمام
    فا فيوم روحت عند المحافظة وحبيت اشوف اية الوضع فلاقيت كلة بيشتم فى مبارك وبيقول المطالب المعروفة فا حبيت استفهم على شوية نقطة كدة فا وقفت اكتر من واحد مابين شباب وبنات ورجالة كبار وستات كلهم اتفقو على المطالب المعتادة وكلهم ولا يعرفو اية هى مواد الدستور وبيقولو غيرو طب انتم عارفينو منين علشان يغيرو انا كنت مستغرب مع انهم شكلهم مثقف ومتعلم وناس كويسة والله انا ضحكت وضحكت اكتر لما شوفتهم بيسرقو بنك جمبنا هنا لولا الشباب هنا وقفوا لحد لما الجيش نزل ودى كانت اول حاجة اشوفها لما نزلت المنصورة ما علينا انا دلوقتى عاوز بس اوصل للناس حاجة لازم حسنى يكمل علشان حاجة وحدة بس علشان ميحصلشى حروب اهلية وتبقى مجزرة والبلد تخرب ولا صحيح ما هى خربت والى كان كان وكلة الوقتى بقى سياسى وبيفهم فى القانون واغلبهم بطيخ ولا عارفين حاجةوالحمد لله انا مش فقية فى السياسة ولا الدستور ولكنى مثقف بيهم وحقيقى حرام الى بيحصل لو حد منكم جة هنا ايام السرقة كان عرف معنى الرعب الحقيقى والخوف انا والشباب مكناش بنام ولا الحرامية الى مسكناهم بجد كفاية حرام البلد بتنهار وانا ووالدى بيقولى انة عاش برة فترة كبيرة ومشافشى بلد زى مصر وبجد هى ماتستاهلش كدة فا ياريت بدل ما نسخن الموضوع نهدية وبعدين يعنى لو الشباب بتوع ميدان التحرير روحوا وصبرو شهر ميدان التحرير هيمشى يعنى ما يسيبو فرصة للراجل دة يعمل حاجة وبعدين عيب نشتم الراجل دة لان لو جد حد فيكم فى البيت عندة وقارفة هيطردو ويهزقو ولا هيستحملة لازم نفكر شوية اصحابنا الى ماتو والخاسئر الى بقت فى البلد كل يوم لازم يتحط ليها حد ولو حد مختلف معايا يناقشنى
    avatar
    المتفائلة

    ►☆ أم فــــاروق ☆ ◄


    ►☆ أم فــــاروق ☆ ◄

    الجنس : انثى

    العمر : 28
    قسم ايه فى اداب : اللغة العربية وآدابها
    عدد المساهمات : 698
    المزاج : الحمد لله
    رساله SMS : لا تشغل نفسك بهموم الغد

    فقد لا تأتي هموم غدا

    فتخسر سرور يوم

    فتبسم......
    تاريخ التسجيل : 21/04/2010

    رد: ورجعنا تانى بعد الامتحانات

    مُساهمة من طرف المتفائلة في الأربعاء 09 فبراير 2011, 3:47 pm

    بصو أنا لا أعرف رجال سياسه
    ولا رجال اقتصاد
    ولا حتى رجال أعمال

    بس كل إلي أنا أعرفه إني عايزه لما أروح مكان في بلدي متظلمش فيه
    متظلمش في كليتي ولاحد ياخد حقي

    ومتظلمش في إني لما أتخرج أبقى نفسي أخدم البلد ومقدرش عشان الروتين
    وعشان مش محتاجيني وعشان عايزين الخبره وعشان وعشان


    وعايزه ادخل أي مكان سواء مصلحه حكوميه
    شركات
    مصانع
    أدخل وأنا متأكده إن الناس إلي جوا بتشتغل بأمانه
    ناس عمرك ماتقدر ترشيها
    ناس تبقى مصلحة البلد عندها فوق الجميع


    وعايزه المصريين يحبو مصر بجد


    وعايزه رئيس يعاملنا بمايرضي الله
    رئيس يخاف على المواطن المصري
    رئيس يخلي الناس تنام بليل مطنين ودفيانين


    من الأخر يعني عايزه مصر تبقى أحسن بينا

    ورأي في إلي بيحصل في مصر إنو كان المفروض يحصل من زمان
    وبحمد ربنا إني شفت الأحداث دي بعيني
    وإني من الجيل دا

      الوقت/التاريخ الآن هو الأربعاء 19 ديسمبر 2018, 3:15 pm